Mərkəzi Neftçilər Xəstəxanası hər kəsin inam və şəfa ünvanı….

Xəstəxanada yalnız dərmanla müalicə anlayışı öz yerini pasiyentə “kompleks və fərdi yanaşma” prinsipi ilə həyata keçirilir.
Azərbaycanda əhalinin sağlamlığının qorunması və yüksək keyfiyyətli tibbi xidmətlə təmin olunması dövlət siyasətinin ən vacib istiqamətlərindən biri kimi daim diqqət mərkəzində saxlanılır. Bu istiqamətdə həyata keçirilən islahatlar, xüsusilə İcbari Tibbi Sığortanın tətbiqi, vətəndaşların tibbi xidmətlərə əlçatanlığını artırmaqla yanaşı, xidmət keyfiyyətinin yüksəlməsinə də mühüm töhfə verib.


Bu uğurların parlaq nümunələrindən biri isə Mərkəzi Neftçilər Xəstəxanası hesab olunur. Burada təqdim olunan tibbi xidmətlər müasir standartlara cavab verməklə yanaşı, pasiyent məmnunluğunu ön planda saxlayan yanaşması ilə seçilir.
Xəstəxanada müalicə prosesi yalnız dərman və tibbi müdaxilələrlə məhdudlaşmır. Əksinə, hər bir pasiyentə fərdi yanaşma, diqqət və qayğı göstərilməsi sağalma prosesinin ayrılmaz hissəsinə çevrilib. Həkimlərin və tibbi personalın xoş münasibəti, humanist davranışı və yüksək peşəkarlığı xəstələrin əhval-ruhiyyəsinə müsbət təsir göstərərək onların daha tez sağalmasına şərait yaradır.

Müasir tibbi texnologiyalar və avadanlıqlar sayəsində xəstəliklərin diaqnostikası yüksək dəqiqliklə aparılır. Ən mürəkkəb tibbi müdaxilələr belə beynəlxalq standartlara uyğun şəkildə həyata keçirilir. Bu isə ağır vəziyyətdə olan xəstələrin belə qısa müddətdə sağlamlıqlarına qovuşmasına imkan yaradır.
Xəstəxanada fəaliyyət göstərən tibbi heyət – xüsusilə xaricdə təhsil almış və zəngin təcrübəyə malik mütəxəssislər – müayinə və müalicə prosesini ən son elmi yeniliklərə əsaslanaraq həyata keçirirlər. Bu səbəbdən artıq bir çox hallarda vətəndaşların xarici ölkələrə üz tutmasına ehtiyac qalmır.

Bu uğurların arxasında isə peşəkar idarəçilik dayanır. Xəstəxananın direktoru Musa Abbasov rəhbərliyi ilə burada şəffaf, səmərəli və insan yönümlü idarəetmə sistemi formalaşdırılıb. Onun diqqət və qayğısı nəticəsində hər bir pasiyent özünü doğma mühitdə hiss edir.
Xəstəxanadakı ab-hava ailə qayğısınında seçilmir. Tibbi personalın münasibəti səmimi və doğmadır, bu isə pasiyentlərin psixoloji vəziyyətinə müsbət təsir göstərərək müalicənin effektivliyini artırır. Burada artıq “yalnız dərmanla müalicə” anlayışı öz yerini “kompleks və fərdi yanaşma” prinsipinə verib.
Eyni zamanda, xəstəxanada gigiyenik qaydalara tam riayət olunur, pasiyentlər keyfiyyətli və balanslaşdırılmış qida ilə təmin edilirlər. Vaxtilə xəstəxana yeməkləri ilə bağlı formalaşmış stereotiplər artıq geridə qalıb. Bu gün təqdim olunan qidalar həm dad, həm də keyfiyyət baxımından yüksək səviyyədədir və müalicə prosesinə əlavə dəstək verir.


Digər mühüm məqamlardan biri isə şəffaflıq mühitinin təmin olunmasıdır. Artıq “həkimə xüsusi yanaşma” kimi köhnə stereotiplər aradan qalxıb. Tibbi xidmət hər kəs üçün bərabər, ədalətli və yüksək səviyyədə təqdim olunur ki, bu da vətəndaşların inamını daha da gücləndirir.


Bütün bu amillər Mərkəzi Neftçilər Xəstəxanasını ölkənin ən qabaqcıl tibb müəssisələrindən birinə çevirib. Bu gün cəmiyyətdə yaxşı həkim və keyfiyyətli müalicə axtaran insanların tez-tez məhz bu ünvanı seçməsi təsadüfi deyil.


Nəticə etibarilə, burada formalaşmış peşəkar tibbi xidmət, müasir yanaşma, güclü idarəçilik və insan amilinə verilən yüksək dəyər onu deməyə əsas verir ki, Mərkəzi Neftçilər xəstəxanası yalnız müalicə məkanı deyil, həm də sağlamlığa gedən etibarlı ünvan, ümid və şəfa yeridir.

Tribuna.az